Kalaallit Nunaanni Pinerluttunik Isumaginnittut

Pinerluttunik Isumaginnittut ukioq 2014-mi init isertitsiviit nalunaarsukkat 155-it inissiaatigaat taakkunannga Nuummi 66-it, Ilulissani 19-it, Sisimiuni 30-it, Tasiilami Aasiannilu 15-it Qaqortumilu qulit. Taakkununnga ilaallutik Ilulissani inissiat qulit pilersaarut malillugu oktobarimi 2014-mi atulertussatut naatsorsuutigineqartut. Nalinginnaasumik isertitsiviit taaneqartarput ”Pineqaatsissinneqarsimasunut Isertitsivik”-ttut ukiunili kingullerni isertitsiviit pineqaatsissinneqarsimasunuinnaq inissaqartitsinngillat, pineqaatsissinneqarnissaminnullu tigummigallagaasunut amerliartortunuttaaq inissaqartitsillutik.

 

Taakkua saniatigut Sisimiuni nerisaqarluni isumagineqarlunilu inisimmavimmik qulingiluanik inissalimmik ingerlatsiveqarpoq, pineqaatsissinneqarnermik naammassinnilersunuunerusoq atorneqartunik.

Nuummi isertitsivik 2017-mi nutaamik isertitsivittaassaaq ammasumik, matoqqasumik, naammassinnilersunullu immikkoortortalimmik.

Pinerluttunik Isumaginnittut KiF-feqarfinnik (Pinerluuteqarsimasunik Isumaginnittoqarfik) nunami tamani siammarsimasunik immikkoortortaqarfeqarpoq, immikkoortortaqarfiit pingaarnertut suliassaralugu eqqartuussiveqarfiit atugassaannik inuk pillugu nassuiaasiornerit, nakkutigisaanissamut inuiaqatigiinnullu sullissinissamut eqqartuussissutinik naammassinninnissaq aammalu misiligutaasumik iperagaasunik nakkutilliineq.

 

Kalaallit Nunaanni Pinerluttunik Isumaginnittut qallunaat Naalagaaffiannit ingerlanneqarput 2010-miillu allaffissornikkut Nuummi Pisortaqarfimmit aqunneqarluni aallartittumik Danmarkimi Inatsiseqarnermut Ministereqarfiup ataani inissisimasumik (Direktoratet for Kriminalforsorgen).

Nunatsinni pineqaatsissineqarsimasunut isumaginnittut nittartagaat www.kriminalforsorgen.gl –mi alakkarneqarsinnaavoq.